काठमाडौं । मेडिकल व्यवसायी दुर्गा प्रसाईंलाई प्रहरीले पक्राउ गरेको छ ।
विद्युतीय कारोबार ऐनानुसारको कसुरमा नेपाल प्रहरीको साइबर ब्युरोको टोलीले आइतबार उनलाई पक्राउ गरेको हो ।
प्रसाईंलाई भक्तपुरस्थित उनकै घरबाट पक्राउ गरिएको साइबर ब्युरोका एसपी दीपकराज अवस्थीले जानकारी दिए ।
गएको बुधबार ब्युरोले प्रसाईंसहित जीवन पाण्डे र प्रकाशचन्द्र दाहालविरुद्ध पक्राउ पुर्जी जारी गराएको थियो ।
उनीविरुद्ध एक महिलाले ब्युरोमा उजुरी दिएकी थिइन् ।
प्रकाशित : २०८१ आश्विन ६, आईतवार १६:१८ गते
