काठमाडौं । ग्लोबल युथ पार्लियामेन्टले ग्लोबल युथ लिडरसिप अवार्ड–२०२१ विभन्न क्षेत्रमा योगदान गरेका करिब एकसय विदेशी पाहुनाहरुलाई प्रदान गरेको छ । सम्मेलनमा सहभागि हुन ४३ देशका १ सयभन्दा बढी युथ लिडरहरु काठमाडौं आइपुगेका थिए । अवार्ड प्रमुख अतिथि उपराष्टपति नन्दबहादुर पुनको हातबाट प्रदान गरिएको थियो ।

ग्लोबल युथ पार्लियामेन्टले प्रदान गरेको उक्त सम्मानपत्रमा उपराष्ट्रपति पुन र ग्लोबल युथ पार्लियामेन्टका संस्थापक अध्यक्ष दिवाकर अर्यालको हस्ताक्षर समावेश गरिएको छ । विभिन्न क्षेत्रका उदयीमान युवा प्रतिभा एवं लिडरहरुलाई ‘ग्लोबल युथ लिडरसीप अवार्ड’ प्रदान गरिएको हो ।

ग्लोबल युथ पार्लियामेन्ट आयोजनामा हुने सम्मेलनको उपराष्ट्रपति नन्दबहादुर पुनले राष्ट्रिय सभागृहमा विशेष समारोहबीच उद्घाटन गरेका हुन् । ग्लोबल युथ पार्लियामेण्टले यसअघि पनि विभिन्न अन्तर्राष्ट्रिय सम्मेलनहरु आयोजना गरिसकेको छ ।