काठमाडौं । प्रदेश युवा परिषद्, बागमती र जिल्ला युवा समिति, रामेछापको संयुक्त आयोजनामा जिल्लास्तरीय वक्तृत्वकला प्रतियोगिता हुने भएको छ । नवप्रतिभाको खोजी गर्ने अभिप्रायका साथ सो प्रतियोगिता यहीँ जेष्ठ २२ गते मन्थलीमा आयोजना गर्न लागिएको हो ।
रामेछाप जिल्ला युवा समितिका अध्यक्ष तिलक थापा मगरले ‘युवा र नवप्रवर्तन’ शीर्षकमा हुन गइरहेको वक्तृत्वकला प्रतियोगितामा सहभागी हुन इच्छुक युवाहरुलाई यहीँ २० गतेसम्ममा नाम दर्ता गरिसक्नुपर्ने जानकारी दिनुभएको छ । यस प्रतियोगितामा २४ वर्ष र २४ वर्षमुनीका उमेर समूहले मात्रै भाग लिन पाउने छन् । सहभागीलाई बोल्नका लागि ५ मिनेटको समय हुनेछ ।
यस प्रतियोगितामा प्रथम स्थान हासिल गर्नेलाई १५ हजार, द्वितीय स्थान हासिल गर्नेलाई १० हजार र तृतीय स्थान हासिल गर्नेलाई ५ हजार पुरस्कारको व्यवस्था गरिएको छ । जिल्लामा प्रथम हुने प्रतियोगीले प्रदेशस्तरीय वक्तृत्वकला भाग लिन पाउनेछन् ।
शीर्षकः युवा र नजप्रवर्तन
उमेर समूहः २४ वर्ष र २४ वर्षभन्दा मुनी
नाम तर्दा गर्ने अन्तिम मितिः २०८०-०२-२०AX
सहभागीले बोल्ने समयः ५ मिनेट
मितिः २०८०-०२-२२
समयः विहान १० ०० बजे
स्थानः मन्थली, रामेछाप
पुरस्कार
प्रथम पुरस्कारः रु. १५,०००
द्वितीय पुरस्कारः रु.१०,०००
तृतीय पुस्कारः रु. ५,०००
अध्यक्ष
तिलक थापामगर ९८५१२४४९९७
नाम दर्ताको लागि सम्पर्कः जिल्ला युवा समितिको कार्यालय, मन्थली
सफल दाहाल ९८४४४४१०३५