चन्द्रागिरी । नेकपा (माओवादी केन्द्र) चन्द्रागिरी १४ को कमिटीले न्यानो कपडा (सिरक) वितरण गरेको छ । माघ २७ गते शनिवार माओवादी केन्द्रको १४ नम्बर वडा कमिटीले वेपत्ता परिवार, बृद्ध र गरिब परिवारलाई बागमती प्रदेश कमिटी सदस्य तथा अनेम संघ (क्रान्तिकारी) का केन्द्रीय सचिव रमा गिरीको प्रमुख आतिथ्यमा न्यानो कपडा वितरण कार्यक्रम सम्पन्न भएको हो ।

अनेम संघ (क्रान्तिकारी) का केन्द्रीय सचिव रमा गिरीको पहलमा माओवादी केन्द्रका केन्द्रीय सदस्य मनहरी तिम्मलसिनाको सहयोगमा उक्त न्यानो कपडा जुटाइएको थियो । माओवादी पार्टीले जनतासँग माओवादी भन्ने नारामा ३ महिने अभियान देशव्यापी रुपमा भर्खरै सम्पन्न गरेको छ । माओवादी नेतृत्वको सरकारले भ्रष्टाचार विरुद्ध खोलेको फायर र जनताको घरदैलोमा पुगेको माओवादी पार्टी अभियानले संकटमा पर्दै गएको लोकतन्त्रप्रति जनताको भरोसा र विश्वास बढेको देखिएको छ ।