काठमाडाैँ । भारत भ्रमणमा रहेको नेपाली टिमले आइतबार फ्रेन्डसिप कप त्रिकोणीय टी२० सिरिजको पहिलो खेलमा र गुजरात स्टेट टिमलाई ८ विकेटले पराजित गरेको छ ।

भारतको भापीमा पहिला बलिङ गरेको नेपालले गुजरातलाई ९८ रनमा अलआउट गरेको थियो । ९९ रनको लक्ष्य पाएको नेपालले २ विकेट गुमाएर १५.२ ओभरमा लक्ष्य पूरा गरेको हो ।

नेपालका लागि कप्तान रोहित पौडेलले नटआउट ३३ रन बनाए भने अनिल साहले पनि नटआउट ३२ रन बनाए । यस्तै कुशल भुर्तेल १७ रन बनाए ।

यसअघि गुजरात १८.२ ओभरमा अलआउट गर्ने क्रममा नेपालका लागि गुल्सन झाले सर्वाधिक ४ विकेट लिए । उनले ४ ओभरमा २२ रन खर्चिएका थिए । यस्तै करण केसीले ३ विकेट लिए भने सोमपाल कामीको नाममा १ विकेट रह्यो ।

गुजरातका लागि  ओपनर रुद्र मयुर पटेलले सर्वाधिक २३ रन बनाएका थिए । उनी दीपेनद्रसिंह ऐरीबाट रनआउट भएका थिए । जारी प्रतियोगितामा अर्को स्टेट टिम बरौडा छ । तीन टीमबीच राउन्ड रोबिनमा खेल हुनेछ । शीर्ष दुई टिम फाइनलमा पुग्नेछन् ।