काठमाडौं । वैज्ञानिक समाजवाद निर्माण अभियानका संयोजक रमेश सुनुवारले संसदीय व्यवस्थालाई खारेज गरेर जनताको जनताको व्यवस्था निर्माण गर्नुपर्ने धारणा राख्नुभएको छ । ग्लोवल टेलिभिजनसँगको कुराकानीमा उहाँले संसदीय व्यस्थाबाट अब नेपाली जनताको मुक्ति संभव नभएको धारणासमेत राख्नुभयो ।

‘मार्क्सको भाषामा भन्दा संसदीय व्यवस्था पाँच वर्षका लागि कोबाट शासित हुने भन्ने कुरा छान्ने प्रणाली हो । लेनिनको भाषामाभन्दा खसिको टाउको झुन्ड्याएर कुकुरको मासु बेच्ने थलो हो ।’ उहाँले भन्नुभयो, ‘यसको अर्थ यो व्यवस्था खारेज गर्नुपर्छ भन्ने थियो । तर ती व्यवस्थाहरु पनि संसदीय व्यवस्थाभन्दा भिन्न हुन सकेन । अब चाहीँ यसको विकल्पमा अर्को नयाँ व्यवस्था समाजले चाहेको छ ।’

पूरा भिडियो हेर्नुहाेस्

उहाँले प्रतिनिभमूलक निर्वाचन प्रणालीको ठाउँमा प्रत्यक्ष निर्वाचन प्रणाली स्थापित गर्नुपर्ने बताउनुभयो । जनताका प्रतिनिधिहरुले जनताका भावना विपरिक काम गर्दै आएकाले जनताले दुख पाएको बताउँदै अब जनताले आफ्नो भविस्यको फैसला आफैँले गर्न पाउने वैज्ञानिक समाजवादी व्यवस्था अपरिहार्य बनेको उहाँको धारणा छ ।